Desenvolvemento psicomotor

Vixiar o desenvolvemento psicomotor

O seguínte cadro resumo de desenvolvemento, axuda a facer un seguimento da súa evolución na motricidade e na maduración psicolóxica, e de como se vai adaptando progresivamente ao seu medio.

Trátase dunha exposición ordenada dos momentos aproximados nos cales, normalmente, os nenos e nenas van logrando determinadas capacidades.
Calquera carencia ou variación no seguimento deste calendario non supón obrigatoriamente unha anomalía, pero faise preciso consultalo co/a pediatra, para confirmar ou descartar algún atranco e, se é o caso, tomar as medidas oportunas.

Neste cadro resumo recomendado por asociacións de pediatras de todo o mundo, queda recollido o fundamental.

1 mes

  • Fixa a mirada
  • Balbucea
  • Reacciona ao ruído
  • Succiona correctamente

2 meses

  • Sostén a cabeza collido no brazo
  • Emite variedade de sons e choros
  • Segue obxectos coa vista
  • Desfruta coas caricias

4 meses

  • Xira a cabeza cara a un ruído
  • Agarra obxectos
  • Ri cos pais
  • Sostén a cabeza estable

6 meses

  • Segue obxectos en movemento
  • Xira sobre si mesmo
  • Séntase con apoios
  • Recoñece o seu nome
  • Achega obxectos á boca

9 meses

  • Balbucea en diferentes tons para chamar a atención
  • Busca obxectos escondidos
  • Séntase sen apoios
  • Está de pé con apoios
  • Fai pinza cos dedos índice e polgar

12 meses

  • Entende ordes sinxelas
  • Comunícase cunha linguaxe propia
  • Iníciase en camiñar con apoio
  • Expresa variadas emocións

15 meses

  • Sinala obxectos en debuxos
  • Pronuncia máis de cinco palabras
  • Camiña só
  • Leva a comida á boca
  • Mostra tristeza
  • Ensina obxectos aos pais

 

A nosa prioridade, a túa garantía
Xunta de Galicia © Xunta de Galicia. Información mantida e publicada en internet pola Consellería de Sanidade - Servizo Galego de Saúde
Galicia o bo cambio